Toshkent viloyatida 3 ta yuk mashinasi ishtirokida YTH yuz berdi

Toshkent viloyati Angren shahrida 3 ta yuk mashinasi ishtirokida yo‘l-transport hodisasi sodir bo‘ldi. Bu haqda viloyat Yo‘l harakati xavfsizligi boshqarmasi xabar berdi.

Bugun, 27 avgust kuni soat tahminan 03:30 larda fuqaro J.J. Angren shahrida Shacman yuk avtotransport vositasini boshqarib ketayotib, Cobalt va  Volkswagen Crafter rusumli yuk mashinalari bilan to‘qnashgan. Shundan so‘ng, Shacman yo‘l chetida harakatsiz turgan MAN yuk avtomobiliga urilib to‘xtagan.

Ushbu yo‘l-transport hodisasi oqibatida 2 nafar haydovchi va bir yo‘lovchi tan jarohati olib, Angren shahar markaziy shifoxonasiga yotqizilgan.

Holat yuzasidan shahar Ichki ishlar boshqarmasi tomonidan tergovga qadar surishtiruv ishlari olib borilmoqda.

Eslatib o‘tamiz, avvalroq Samarqand viloyati Urgut tumanida mashina piyodani urib yuborgandi. Jabrlanuvchi ko‘rsatilgan birinchi yordamga qaramay, vafot etgan.