Chilonzorda UAZ transport vositasi yonib ketdi
3-sahifa
−
15 iyun 3995
Toshkent shahrining Chilonzor tumanida UAZ transport vositasi yonib ketdi. Bu haqda Toshkent shahar IIBB Yo‘l harakati xavfsizligi boshqarmasi xabar berdi.
Hodisa kecha, 14 iyun kuni soat 21:00 larda Chilonzor tumani Bunyodkor shoh ko‘chasida sodir bo‘lgan. Chilonzor buyum bozori qarshisida, UAZ rusumli transport vositasining motor qismida yong‘in kelib chiqqan.
Yong‘in tuman FVB xodimlari tomonidan bartaraf etilgan. Yong‘in oqibatida tan jarohati olganlar yo‘q.
“Mazkur hodisa yuzasidan YHXB hamda FVB xodimlari tomonidan surishtiruv olib borilib, yong‘in yuzaga kelishining sabablari va zarar miqdoriga aniqlik kiritilmoqda,” deyiladi xabarda.
Eslatib o‘tamiz, 13 iyun kuni Sergeli tumanidagi mashina bozori yaqinida yong‘in sodir bo‘lgandi.
Live
Barchasi
