Toshkent-Chorvoq yo‘nalishida tezlik cheklandi

Toshkent-Chorvoq yo‘lining ayrim qismlarida harakat tezligi 80 km/soatgacha cheklandi. Bu haqda kecha, 2 fevral kuni qabul qilingan Toshkent viloyati Xalq deputatlari kengashining qarorida so‘z boradi.

Unga ko‘ra, Toshkent viloyati hududida joylashgan davlat ahamiyatiga ega “Bektemir-Chirchiq-G‘azalkent-Chorbog‘ qo‘rg‘oni” avtomobil yo‘lining 19-74 kilometrlari oralig‘ida belgilangan tezlikka amal qilmaslik oqibatida 2025 yil 12 oyi davomida jami 63 ta yo‘l-transport hodisasi sodir etilgan. Oqibatda 15 fuqaro vafot etgan va 50 fuqaro tan jarohati olgan.

Shuningdek, hujjatda 4P-12 “Bektemir–Chirchiq–G‘azalkent–Chorbog‘ qo‘rg‘oni” avtomobil yo‘lining aholi yashash joylaridan tashqari bo‘lgan 6 ta qismida yuqori tezlik 80 km/soat etib belgilangan (ilgari 100 km/soat bo‘lgan). 

Cheklov o‘rnatilgan asosiy nuqtalar quyidagilar:

Eslatib o‘tamiz, avvalroq Angrenda tezlik belgisi noma’lum shaxslar tomonidan o‘zgartirib qo‘yilgani haqida xabar berilgan edi.

Jamshidbek Amirov