Toshkent havosi iflos shaharlar reytingida qizil chiziqda turibdi

Toshkent shahri havosi ifloslangan shaharlar reytingida qizil chiziqda turibdi. Ushbu reyting IQAir platformasida e’lon qilib boriladi.

Bugun, 7 noyabr soat 13.00 dagi ko‘rsatkichga ko‘ra, Toshkent dunyoning havosi eng ifloslangan shaharlari reytingida Hindistonning Mumbay va Bangladeshning Dakka shaharlaridan keyin 8-o‘rinni egallagan. Birinchi o‘rinni esa Dehli shahri band etgan bo‘lsa, kuchli uchlikni Pokistonning Lahor hamda Hindistonning Kalkutta shaharlari yakunlagan. 

Soat 17:40 da esa Toshkent ushbu reytingda 5-o‘rinda turibdi. IQAir indeksi bo‘yicha ayni vaqtda dunyoning 4 ta shahri – Pokiston va Hindistonning ikkitadan shahrida havo sifati Toshkentdagidan yomonroq.

IQAir havo sifati monitoringi platformasida Toshkent shahri havosi so‘nggi bir oy ichida 4 kun "nosog‘lom" deb qayd etilgan. Shuningdek, O‘zbekiston poytaxtida 10 kun "ta’sirchan guruh uchun nosog‘lom" havo kuzatilgan.