Toshkent havosi me’yordan 19 marta ko‘proq yomonlashdi
Jamiyat
−
03 yanvar 5719
Bugun, 3 yanvar kuni soat 8:00 dagi atmosfera havosi monitoringi avtomatik stansiyalari ma’lumotlariga ko‘ra, Toshkent shahri havosi to‘q siyohrang darajagacha yomonlashdi. Bu haqda QALAMPIR.UZ'ga O‘zgidromet xabar berdi.
Bildirilishicha, poytaxt havosidagi PM10 dispersli zarrachalarining miqdori 112,2 mkg/m3 ni tashkil etdi, SanEQvaN 0293-11 (500 mkg/m3) bo‘yicha ruxsat etilgan maksimal konsentratsiyadan oshmadi.
Ammo PM2,5 mayda dispersli (hayot uchun zararli bo‘lgan) zarrachalar miqdori 67,5 mkg/m3 ni tashkil etdi. Bu Jahon sog‘liqni saqlash tashkiloti tavsiyalaridan 18,7 marta (5 mkg/m3) ko‘pdir.
Shuningdek, uglerod oksidi CO (avtotransport va sanoat korxonalari chiqindilari) 1,9 mg/m3 ni tashkil etib, SanEQvaN 0293-11 (5 mg / m3) bo‘yicha ruxsat etilgan me’yordan oshmagan.
