Toshkent havo iflosligi bo‘yicha birinchi o‘ringa chiqdi

Bugun, 27 dekabr kuni Toshkent shahri havo iflosligi bo‘yicha dunyoda birinchi o‘rinda turibdi. Bu haqda IQAir portali xabar berdi.

Havo sifati indeksi (AQI) reytingiga ko‘ra, 27 dekabr soat 08:48 holatida Toshkent havosining iflosligi bo‘yicha Dehlini ham ortda qoldirib, dunyoda 1-o‘rinni egalladi. Ushbu reytingda 2-o‘rinni Hindistonning Dehli shahri, 3-o‘rinni Pokistonning Laxor shahri, 4- o‘rinni Xitoyning Vuxan shahri egallagan.

Havo sifatining zararlilik darajasi uning o‘sish birligiga qarab belgilanadi va ranglarga bo‘linadi. Masalan: 

Havo sifati 0-50 birlikkacha “yashil” daraja bilan yaxshi; 

• 51-100 birlikkacha “sariq” daraja bilan o‘rtacha xavfli;

• 101-150 birlik holatida “olovrang” darajasi bilan zaif guruhlar uchun zararli;

• 151-200 birlikda “qizil” daraja bilan zararli; 

• 201-300 birlikda “binafsharang” daraja bilan juda zararli;

• 301+ birlikda esa “bordo” rangi bilan xavfli deb baholanadi.