Tokio-2020 Olimpiadasiga boradigan sportchilarni emlash boshlandi

Sport 2370
image
-

Bugun, 7 may kuni O‘zbekistonning Tokio-2020 Olimpiya va Paralimpiya o‘yinlarida ishtirok etadigan delegatsiyasi vakillarini koronavirusga qarshi emlash jarayoni boshlandi. Tadbirni para-suzish bo‘yicha terma jamoamiz vakillari boshlab berishdi. Bu haqda Olimpiya qo‘mitasi xabar berdi.

Jarayon MOQ qoshidagi Respublika sport tibbiyoti ilmiy-amaliy markazida bo‘lib o‘tgan.

Dastavval terma jamoaning 11 nafar vakilidan qon tahlillari olinib, ularning organizmi emlash uchun qay darajada tayyorligi ko‘zdan kechirilgan. Tahliliy natijalar yakuniga ko‘ra, 3 nafar sportchi va 2 murabbiyda emlash jarayoni amalga oshirilgan. Delegatsiya a’zolaridan birinchi bo‘lib, murabbiy Ravshan Alimov emlangan.

Ta’kidlanishicha, delegatsiyani emlash jarayonida “Sputnik V” vaksinasidan foydalanilmoqda. Yo‘riqnomga ko‘ra, vaksina 21 kun oralig‘ida 2 komponentda qabul qilinadi.

Reja bo‘yicha delegatsiya a’zolarini emlash 1 iyunga qadar davom etadi va bu jarayonni boks bo‘yicha terma jamoa vakillari yakunlab berishadi. Umumiy hisobda 250 nafar vakilni emlash ko‘zda tutilgan.

Sunnatilla Abdullayev
Maqolaga baho bering
Baholaganlar: 21
Reyting: 3.2
t
×