Temiryo‘l yo‘lovchilariga bepul ko‘rsatiladigan xizmatlar ro‘yxati e’lon qilindi

north_east

SSSRdan meros vagonlar

Kecha, 18 dekabr kuni qabul qilingan “Temiryo‘l transporti sohasida davlat tomonidan tartibga solinadigan va bozor tamoyillari asosida ko‘rsatiladigan xizmatlar ro‘yxatini tasdiqlash to‘g‘risida”gi hukumat qarori bilan O‘zbekistonda temiryo‘l transporti sohasida ko‘rsatiladigan xizmatlar ro‘yxati tasdiqlandi. Bu haqda Adliya vazirligi xabar berdi.

Qarorga ko‘ra, quyidagilar tasdiqlandi:

• Temiryo‘l transporti sohasida davlat tomonidan tartibga solinadigan xizmatlar ro‘yxati; 
• Temiryo‘l transporti sohasida bozor tamoyillari asosida ko‘rsatiladigan xizmatlar ro‘yxati; 
• Temiryo‘l transporti sohasida iste’molchilarga bepul ko‘rsatiladigan xizmatlar ro‘yxati.

Bunda iste’molchilarga aravacha, ona va bola xonasidan foydalanish, kutish zalida Wi-Fi, nogironlar uchun aravachalar, yo‘l davomida choy, ichimlik suvi, shakar bepul taqdim etiladi.

Eslatib o‘tamiz, oldinroq o‘zgalar parvarishiga muhtoj bo‘lgan yolg‘iz yashovchi hamda yolg‘iz keksalar va nogironligi bo‘lgan shaxslarga temiryo‘l yoki shaharlararo avtobus uchun bir yilda faqat bir marta bepul chiptalar berilishi haqida xabar berilgandi.

Mohimbegim Ma’rufaliyeva