Tayvanga 26 ta Xitoy samolyoti yaqinlashdi

Tayvan oroli yaqinida Xitoy Xalq ozodlik armiyasining yana 26 ta samolyoti paydo bo‘ldi. Bu haqda orol mudofaa vazirligi ma’lum qildi.

Vazirlik bayonotiga ko‘ra, samolyotlarning parvozlari mahalliy vaqt bilan soat 07:00 da boshlangan. Ular orasida J-16 qiruvchi samolyotlari, Y-8 ko‘p maqsadli samolyotlar va dronlar bor edi. Hisobotda ta’kidlanishicha, 24 ta havo nishoni Tayvanning havo mudofaasini aniqlash zonasiga kirgan.

Erta tongda vazirlik so‘nggi 24 soat ichida orol yaqinida Xitoy Xalq ozodlik armiyasining 18 ta samolyot va 6 ta kemasi ko‘rinishini qayd etgani haqida xabar bergan.

Eslatib o‘tamiz, o‘tgan oyda Xitoy Tayvan yaqinida ikki kun davom etgan harbiy mashqlar o‘tkazgandi. Pekin Tayvan rahbariyatining separatistik bayonotlari uchun jazo ekanini aytgan mashg‘ulotlarda 111 ta samolyot va o‘nlab kemalar ishtirok etdi. Shu oy boshida esa AQSH Davlat departamenti Tayvanga F-16 qiruvchi samolyotlari uchun 300 million dollarlik ehtiyot qismlarni sotish imkoniyatini tasdiqladi.