Tayvan orol yaqinida Xitoyning o‘nta harbiy samolyotini aniqladi

Tayvan Mudofaa vazirligi so‘nggi 24 soat ichida Xitoy Xalq Ozodlik Armiyasining o‘nta samolyoti va ikkita kemasi orol yaqinidagi hududga yaqinlashgani haqida xabar berdi.

“Bugun ertalab soat 6:00 da Tayvan atrofida 10 ta PLA samolyoti va 2 ta PLAN kemasi aniqlandi. Qurolli kuchlar vaziyatni kuzatib, CAP samolyotlari, dengiz floti kemalari va quruqlikdagi raketa tizimlarini kuzatdi”, deyiladi bayonotda.

Unga ko‘ra, uchta samolyot Tayvan bo‘g‘ozining o‘rta chizig‘ini kesib o‘tib, orolning janubi-g‘arbiy va janubi-sharqdagi havo mudofaasini aniqlash zonasiga kirgan. 

Xitoy samolyotlari bilan so‘nggi oylarda orol yaqinidagi suvlarni muntazam ravishda patrul qilib kelmoqda. Tayvan bo‘g‘ozidagi keskinlik AQSH Kongressi Vakillar Palatasining sobiq spikeri Nensi Pelosining o‘tgan avgust oyida Taybeyga tashrifi ortidan kuchaygan. Xitoy bunday tashriflarni provokatsiya va uning ichki ishlariga aralashish deb biladi.

Eslatib o‘tamiz, 7 mart kuni Tayvan oroliga tutash hududda Xitoy Xalq Ozodlik Armiyasining beshta samolyoti va to‘rtta kemasi qayd etilgan edi.

Javohir Qadamov