Suriyada prezidentlikka talabgorlarning uch nafari ro‘yxatdan o‘tdi
Olam
−
04 may 2021 3537
Suriya prezidentligiga uch talabgor nomzod bo‘ldi, ular deputatlardan kerakli miqdordagi ovozlarni to‘pladi. Bu haqda Suriya Oliy Konstitutsiyaviy sudi rahbari Muhammad Lahamga asoslanib xabar berilgan.
Ushbu lavozimga nomzodlar orasida amaldagi Prezident Bashar Asad ham bor.
"Konstitutsiyaviy sud o‘zining birinchi bayonotida uchta nomzodning arizalarini qabul qildi: Abdallah Sallum Abdallah, Bashar Hofiz Asad va Mahmud Ahmad Meriya", degan Laham matbuot anjumani paytida.
Uch kun ichida Suriya Konstitutsiyaviy sudi ro‘yxatga olish qaroridan rozi bo‘lmagan nomzodlarning apellyatsiya berish bo‘yicha barcha so‘rovlarini qabul qilishi rejalashtirilgan.
Suriya Konstitutsiyasiga muvofiq, parlament saylov kampaniyasi boshlanganidan keyin 10 kun ichida nomzodlarning arizalarini qabul qildi.
Kampaniyada kamida 35 deputat tomonidan qo‘llab-quvvatlanadigan fuqarolar ishtirok etishi mumkin.
Suriya Xalq Kengashi 250 deputatdan iborat.
Eslatib o‘tamiz, Suriyadagi prezidentlik saylovlari 26 may kuni bo‘lib o‘tishi belgilangan.
