Sud sobiq bosh vazirning qamoqxonada sudlanishiga qarshi chiqdi

Islomobod Oliy sudi Pokistonning sobiq bosh vaziri, muxolifatdagi “Adolat harakati” (AH) partiyasi yetakchisi Imron Xon va sobiq tashqi ishlar vaziri va AH raisi o‘rinbosari Shoh Mahmud Qureyshi “Rasmiy sirlar to‘g‘risida”gi qonunni buzganlikda ayblanib, qamoqxonada sud majlislarini o‘tkazishni noqonuniy deb topdi. 

“Islomobod Oliy sudi Adliya vazirligining Xon va Qureyshini ushbu ayblov bo‘yicha ular saqlanayotgan qamoqxonada sud qilish to‘g‘risidagi bildirishnomasini noqonuniy deb topdi”, deb yozdi siyosatchilarning advokati Naim Panyuta X (sobiq Twitter) ijtimoiy tarmog‘ida. 

Uning so‘zlariga ko‘ra, Islomobod sudi shu bilan Imron Xonning o‘zi va Qureyshi qamoqqa olingan Adiala qamoqxonasi tashqarisida ochiq sud jarayoni o‘tkazish haqidagi iltimosini qanoatlantirgan. Avvalroq Pokiston Adliya vazirligi xavfsizlik nuqtayi nazaridan sud jarayonini qamoqxona hududida o‘tkazishni buyurgan edi. 

Xon va Qureyshi ustidan sud jarayoni Federal tergov agentligining 1923 yilda qabul qilingan “Davlat sirlari to‘g‘risida”gi qonunni buzganlik, Tashqi ishlar vazirligining diplomatik kodeksidan siyosiy maqsadlarda foydalanish va maxfiy hujjat mazmunini davlat xavfsizligi manfaatlariga zarar yetkazuvchi shaxsiy manfaatlar uchun ruxsat etilmagan shaxslarga oshkor qilishga asoslanadi. 

Imron Xon 2022 yil 27 martda Pokistonning Vashingtondagi elchisidan kodlangan telegramma olganini ochiq e’lon qilganidan keyin davlat sirlarini oshkor qilganlikda ayblangan. Xonning so‘zlariga ko‘ra, telegrammada AQSH vakillari diplomatik missiya rahbari bilan suhbatda bosh vazirni 2022 yil fevralida Moskvaga safari chog‘ida namoyish etgan Ukraina bo‘yicha rossiyaparast pozitsiyasi tufayli hokimiyatdan chetlatishni tavsiya qilgani yozilgan.

Pokiston Tashqi ishlar vazirligining AQSH rasmiylariga Xonni hokimiyatdan chetlatish haqidagi maslahatini tasdiqlash yoki rad etish haqidagi so‘roviga javoban AQSH Davlat departamenti amerikalik siyosatchilarning shaxsiy suhbatlariga izoh bermasligini ma’lum qilgan.

Xon 2022 yil 10 aprelda korrupsiya ayblovlari tufayli unga ishonchsizlik votumidan so‘ng hukumat rahbari lavozimidan chetlatilgan. Keyinchalik Xon hujjat "yo‘qolgan" deb da’vo qilib, tergovchilarga shifrlangan diplomatik kabelni taqdim eta olmagan.