Sterling g‘azabda: “shaharliklar” mavsum so‘ngiga qadar uni “Barsa”ga sotmaydi
Sport
−
12 noyabr 2021
3439“Manchester Siti” qishki transfer oynasida Rahim Sterlingni “Barselona”ga qo‘yib yubormoqchi emas. Bu haqda ESPN nashri xabar berdi.
Ma’lum qilinishicha, Manchester klubi 26 yoshli yarim himoyachi uchun takliflarni ko‘rib chiqmaydi, chunki u Pep Gvardiola jamoasining muhim qismi bo‘lib qolmoqda. “Shaharliklar”ni na to‘liq transfer, na ijara takliflari qiziqtirmaydi.
Sterling hozircha jamoasi bilan yangi shartnoma bo‘yicha muzokara olib bormayapti, chunki u kelajakda klubning muhim futbolchisi bo‘lishga ishonch hosil qilmoqchi. 27 yoshli angliyalik futbolchi uzoq vaqt zahirada qolib ketgan taqdirda, yangi shartnoma imzolamaydi. Uning amaldagi shartnomasi 2023 yilning yozida yakuniga yetadi.
Ma’lumot uchun, joriy mavsumda “Manchester Siti” safida barcha turnirlar doirasidagi 15 ta uchrashuvida ishtirok etib, 2 ta gol urgan va 2 ta golli uzatmani amalga oshirgan.
LiveBarchasi
07 noyabr 2023
07 noyabr 2023
07 noyabr 2023