Sirdaryodagi bankda qalbaki 81 ming yevro aniqlandi
Jamiyat
−
26 aprel 2021 7193
“Qishloq Qurilish Bank”ning Sirdaryo mintaqaviy filialida 81 ming yevro miqdorida xorijiy valyutadagi qalbaki pul birliklari aniqlangan. Bu haqda Bank Axborot xizmati xabar berdi.
Ma’lum qilinishicha, mazkur holat bo‘yicha hujjatlar tegishli tartibda rasmiylashtirilib, qonuniy baho berish maqsadida Sirdaryo viloyati Ichki ishlar boshqarmasiga taqdim qilingan.
Ayni paytda mazkur holat bo‘yicha jinoyat ishi ochilgan va surishtiruv-tergov ishlari olib borilmoqda.
Holat yuzasidan surishtiruv-tergov ishlari yakunlangach, qo‘shimcha ma’lumotlar e’lon qilinadi.
Eslatib o‘tamiz, avvalroq Toshkentda qalbaki 6350 dollarni o‘tkazmoqchi bo‘lganlar qo‘lga olingandi.
Live
Barchasi