Sirdaryoda pora olgan soliqchi 2 yilga “kesildi”
3-sahifa
−
06 avgust 4583
Sirdaryo viloyati soliq boshqarmasi bosh inspektori pora bilan qo‘lga olindi. Bu haqda Oliy sud matbuot kotibi Aziz Obidov xabar berdi.
Bildirilishicha, soliq bosh inspektori Guliston shahrida faoliyat olib boruvchi 3 ta MCHJ soliq qarzlarini soddalashtirilgan tartibda bankrot deb topish yo‘li bilan bartaraf qilib berishga va’da bergan. U buning evaziga 4 ming AQSH dollari talab qilgan. Inspektor ushbu pullarni olayotgan paytda ashyoviy dalillar bilan qo‘lga olingan.
Sud hukmiga ko‘ra, sudlanuvchi Jinoyat kodeksining 25,168- va 28,211- moddalarida bilan aybli deb topilib, unga nisbatan ikki yil muddatga davlat organlari, mansabdorlik hamda moddiy ishlash, shuningdek, soliq idoralarida har qanday lavozimlarda faoliyat olib borish huquqidan mahrum etish jazosi tayinlangan 2 yil 3 oy muddatga ozodlikdan mahrum qilingan.
Eslatib o‘tamiz, avvalroq Sirdaryo viloyati va Toshkent shahrida lavozimini suiiste’mol qilgan mansabdor shaxslar qo‘lga olingandi.
Live
Barchasi
