Сирдарёда пора олган солиқчи 2 йилга “кесилди”

Сирдарё вилояти солиқ бошқармаси бош инспектори пора билан қўлга олинди. Бу ҳақда Олий суд матбуот котиби Азиз Обидов хабар берди.

Билдирилишича, солиқ бош инспектори Гулистон шаҳрида фаолият олиб борувчи 3 та МЧЖ солиқ қарзларини соддалаштирилган тартибда банкрот деб топиш йўли билан бартараф қилиб беришга ваъда берган. У бунинг эвазига 4 минг АҚШ доллари талаб қилган. Инспектор ушбу пулларни олаётган пайтда ашёвий далиллар билан қўлга олинган.

Суд ҳукмига кўра, судланувчи Жиноят кодексининг 25,168- ва 28,211- моддаларида билан айбли деб топилиб, унга нисбатан икки йил муддатга давлат органлари, мансабдорлик ҳамда моддий ишлаш, шунингдек, солиқ идораларида ҳар қандай лавозимларда фаолият олиб бориш ҳуқуқидан маҳрум этиш жазоси тайинланган 2 йил 3 ой муддатга озодликдан маҳрум қилинган.

Эслатиб ўтамиз, аввалроқ Сирдарё вилояти ва Тошкент шаҳрида лавозимини суиистеъмол қилган мансабдор шахслар қўлга олинганди.