Shu yilning 5 oyida qancha o‘zbekistonlik xorijda dam oldi?
Jamiyat
−
21 iyun 2023 5750
Joriy yilning dastlabki 5 oyida 195 ming o‘zbekistonlik dam olish uchun xorijga safar qilgan. Bu haqda Statistika agentligi Matbuot xizmati xabar berdi.
Ma’lumotlarga ko‘ra, 2023 yilning yanvar-may oylarida 1,6 mln nafar O‘zbekiston fuqarolari turistik maqsadlarda xorijga chiqqan. Shu jumladan, mazkur 5 oyda O‘zbekiston fuqarolarining xorijga safar maqsadlari quyidagicha bo‘lgan:
- qarindoshlarni yo‘qlash – 1,4 mln kishi;
- dam olish – 195 ming kishi;
- o‘qish maqsadida – 17,1 ming kishi;
- davolanish – 10,8 ming kishi;
- xizmat yuzasidan – 5,5 ming kishi.
Eslatib o‘tamiz, joriy yilning yanvar-may oylarida 2,6 mln nafar chet el fuqarosi turistik maqsadda O‘zbekistonga tashrif buyurgani haqida xabar berilgan edi.
Live
Barchasi