Shtorm signali! O‘zgidromet qor ko‘chkisidan ogohlantirdi
Jamiyat
−
28 noyabr 2020 5928
Gidrometeorologiya xizmati markazi O‘zbekistonning tog‘li hududlarida qor ko‘chkisi xavfi borligidan ogohlantirdi.
Markaz ma’lumotiga ko‘ra, 28 noyabr mahalliy vaqt bilan soat 11:00 dan 29 noyabr soat 08:00 gacha Chimyon tog‘ zonasida qor ko‘chkisi xavfi saqlanib turadi.
Shuningdek, 28 noyabr mahalliy vaqt bilan soat 11:00 da A-373 “Toshkent-O‘sh” avtomobil yo‘lining Qamchiq dovonida ham ko‘chki xavfi ortadi.
Avvalroq, Qamchiq dovoni kuchli shamol va qor ko‘chkisi xavfi tufayli avtotransport vositalari harakati uchun yopilgani haqida xabar bergan edik. Keyinroq yo‘llarda tozalash ishlari olib borilganidan keyin dovonda transport vositalari harakati qayta tiklandi.
