Shifokorlar koronavirusning yangi alomatlarini aniqladi

north_east

Britaniya koronavirusni aniqlashda itlardan foydalanmoqchi

Amerika Oftalmologiya akademiyasining shifokorlari koronavirusning yangi simptomlarini aniqlashdi. Ularning ma’lum qilishicha, ko‘z shilliq qavatini yallig‘lanishi koronavirus infeksiyasining belgisi bo‘lishi mumkin.

Shifokorlarning aytilishicha, Xitoyda koronavirus bilan kasallangan 1099 bemorning 19 tasida ko‘z shilliq qavatining yallig‘lanishi aniqlagan. Ushbu statistika mamlakatdagi 30 ta shifoxonaning ma’lumotiga tayanib olingan.

Ta’kidlanishicha, faqatgina COVID-19 ko‘z kasalligiga sabab bo‘lmaydi. Lekin bunday paytda hushyorlikni oshirish talab qilinadi. 

Ma’lumot uchun, quruq yo‘tal, isitma, holsizlik, terlash, nafas qisishi va ba’zida ko‘ngil aynishi koronavirusning keng tarqalgan alomatlari  hisoblanadi. Agar o‘zingizda ushbu alomatlarni sezsangiz zudlik bilan shifokorga murojaat qilishingiz talab qilinadi.

Qadrli yurtdoshlar, karantin davrida zarurat bo‘lmasa, ko‘chaga chiqmang. Vaqtni oilangiz, farzandlaringiz davrasida o‘tkazing. Unutmang, #UydaHayotBor