Qanday hollarda fuqarolikdan chiqariladi? Yangi qonunda nima deyilgan?

Avvalroq, Oliy Majlis Senati “O‘zbekiston Respublikasi fuqaroligi to‘g‘risida”gi qonunni ma’qullagani haqida xabar bergan edik.

Mazkur qonun bilan O‘zbekiston fuqaroligini berish quyidagi uch tartibda amalga oshirilishi belgilanadi:

•    Umumiy tartib
•    Soddalashtirilgan tartib
•    Alohida tartib

Senator Mahmudjon Toirov qonun loyihasi muhokamasida fuqarolikdan chiqarish masalasiga to‘xtalib o‘tdi. U qonunning 42-moddasidagi ayrim bandlarga to‘xtalib o‘tdi. 

42-moddaga ko‘ra, quyidagi holatlar O‘zbekiston Respublikasining fuqaroligi masalalariga oid materiallarni ko‘rib chiqishni tugatish asoslaridir:

a) shaxsning davlat oldida bajarilmagan majburiyatlari yoki fuqarolarning yoxud davlat organlari va boshqa tashkilotlarning manfaatlari bilan bog‘liq bo‘lgan mulkiy majburiyatlari mavjudligi;
b) shaxsning qidiruvda ekanligi;
v) agar shaxs ayblanuvchi sifatida jinoiy javobgarlikka tortilgan, hukm qilingan va jazoni o‘tayotgan bo‘lsa;
g) shaxsga nisbatan qonuniy kuchga kirgan va ijro etilishi lozim bo‘lgan sud hukmining mavjudligi;
d) bila turib yolg‘on ma’lumotlar yoki soxta hujjatlar taqdim etganlik;
ye) O‘zbekiston Respublikasining davlat xavfsizligi manfaatlariga zidlik;
j) shaxsning vafot etganligi.