Şavkat Mirziyoyev Buxorodagi Kongress-xoll majmuasi qurilişini közdan keçirdi

Bugun, 3 noyabr kuni Prezident Şavkat Mirziyoyev Buxoro şahridagi Kongress-xoll majmuasi va zamonaviy mehmonxonalar qurilişini közdan keçirdi. Bu haqda Prezident matbuot xizmati xabar berdi.

Qayd etilişiça, keyingi yillarda Özbekistonga kelayotgan xorijlik sayyohlar soni izçil ösmoqda. 2025 yilda bu körsatkiç 2016 yilga nisbatan qariyb olti barobar, turizm xizmatlari eksporti esa ön bir karra oşgan. Şu bilan birga, mamlakatda yirik xalqaro tadbirlar ötkaziş uçun zamonaviy infratuzilmaga talab ortib bormoqda.

Majmua şaharning ana şunday tadbirlarga mezbonlik qiliş imkoniyatini kengaytiradi. Kongress-xoll forumlar, oliy darajadagi uçraşuvlar va boşqa yirik anjumanlarni ötkazişga xizmat qiladi.

Qiymati 60 million dollar bölgan loyiha doirasida 14,5 ming kvadrat metr maydonli bino qurilmoqda. Hozirda asosiy betonlaştiriş işlari yakunlanib, taşqi muhandislik tarmoqlarini tortiş, fasad va tom qismlarini barpo etiş davom etmoqda.

Şu hududda 37 million dollarlik “Hilton Garden Inn” mehmonxonasi ham qad rostlamoqda. Yetti qavatli, 212 xonali mehmonxonada yer osti avtoturargohi közda tutilgan. Binoning asosiy konstruksiyalari qurib bitkazilgan, hozir içki devorlar, muhandislik tarmoqlari va fasad işlari olib borilmoqda.

Yana bir loyiha – 39,6 million dollarlik “Holiday Inn” mehmonxonasi. Bu inşoot ham yetti qavatli, 212 xonali böladi, yonida ikki qavatli biznes markazi ham barpo etilmoqda. Mehmonxonada tom montaji va içki devorlar qurilişi, biznes markazi yertölasida esa betonlaştirişning yakuniy bosqiçi ketmoqda.

Davlat rahbari ob’ektlardagi işlar bilan tanişib, ular Buxoroda xalqaro tadbirlarni yuqori saviyada ötkaziş, turizm xizmatlari kölamini kengaytiriş uçun muhimligini, bu esa aholi daromadlarini oşiriş va hudud iqtisodiyotini yanada rivojlantirişga xizmat qilişini ta’kidlagan. Quriliş işlarini belgilangan muddatda, sifat talablariga qat’iy rioya etgan holda yakunlaş böyiça topşiriqlar berilgan.