Shaxobiddin Zoirov 1 million dollarga ega chiqishi mumkin (video)
Sport
−
06 dekabr 2024 9629
Bugun, 6 dekabr kuni Birlashgan Arab Amirliklarining (BAA) Dubay shahrida Xalqaro boks assotsiatsiyasi (IBA) tomonidan boks oqshomi tashkil etiladi va turnirda o‘zbekistonlik Olimpiada chempioni Shaxobiddin Zoirov ham ringga ko‘tariladi.
Kecha, 5 dekabr kuni bo‘lib o‘tgan face-to-face marosimida tashkilot rahbari Umar Kremlyov bo‘lajak jangda qaysi bokschi 5-raundgacha raqibini nokautga uchratsa, 1 million dollar egasiga aylanishini aytdi.
Shu vaqtga qadar profboksda 5 ta jang o‘tkazib, barchasida g‘alaba erishgan 31 yoshli Zoirov Venesuela vakili Yoel Rivasga qarshi jang qiladi. 10 raund etib belgilangan jang IBA Pro kamari uchun bo‘lib o‘tadi.
Ma’lumot uchun, Zoirovning raqibi 28 yoshda. U shu vaqtga qadar profboksda 3 marta ringga ko‘tarilib, barchasida g‘alaba qozongan.
Live
Barchasi
