Shaxmat bo‘yicha Jahon kubogida g‘olib aniqlandi
Sport
−
24 avgust 2023 7924
Ozarbayjon poytaxti Baku shahri mezbonlik qilgan shaxmat bo‘yicha Jahon kubogi yakunlandi. Musobaqada norvegiyalik Magnus Karlsen g‘olib bo‘ldi.
Finalda Karlsen hindistonlik Praggnanandhaa bilan to‘qnash keldi. Dastlab 2 ta klassik partiyada durang qayd etildi. Tay-brekda tezkor shaxmatda esa Norvegiya vakilining qo‘li baland keldi.
3-o‘rin uchun kechgan bahsda amerikalik Fabiano Karuana mezbon shaxmatchi Nijat Abbasovni tay-brekda mag‘lub etdi.
Magnus Karlsen shaxmat toji uchun nomzodlar turnirida qatnashishdan voz kechgani uchun uning o‘rniga 4-o‘rinni egallagan Nijat Abbasov shaxmat toji uchun kurashadi.
G‘olib va sovrindorlarga taqdim etilgan pul mukofotlari:
1-o‘rin: 110 ming AQSH dollari;
2-o‘rin: 80 ming AQSH dollari;
3-o‘rin: 60 ming AQSH dollari;
4-o‘rin: 50 ming AQSH dollari.
Live
Barchasi
