Shahram G‘iyosov Prezidentga nima va’da bergan?

O‘zbekistonlik professional bokschi Shahram G‘iyosov ayni kunlarda Toshkentda navbatdagi jangiga tayyorgarlik ko‘rmoqda.

So‘nggi vaqtlarda G‘iyosov bilan bog‘liq bir mavzu boks ixlosmandlarining e’tiborida bo‘lib turibdi, ya’ni Shohjahon Ergashev bilan jang! Hasanboy Do‘smatovning Toshkentdagi turnirlardan birida Shohjahon Ergashev bilan olgan hazil videosi Ergashev va G‘iyosov o‘rtasida “daxshatli” jang o‘tkazilishiga ishora qildi, ammo…

Ergashev-G‘iyosov jangi bo‘yicha ko‘plab o‘zbek boksi yulduzlari ham o‘z munosabatlarini bildirdi. Ta’kidlanishicha, bu jang proumouterlarga kerak emas, hech qanaqasiga bu to‘qnashuvni o‘tkazilishiga imkoniyat yo‘q. Xo‘sh, unda nega Ergashev piarlarni to‘xtatmayapti?

QALAMPIR.UZ Shahram G‘iyosov bilan suhbat uyushtirib, Ergashev bilan bo‘lgan holat bo‘yicha barcha savollarga javob oldi.

Shuningdek, G‘iyosov o‘ziga nisbatan havaskor boksda qilingan adolatsizliklar, hozirgi darajaga chiqishgacha bo‘lgan davrda ko‘rgan qiyinchiliklar, hayotini o‘zgartirib yuborgan Rio-2016 Olimpiadasi va Prezidentga bergan va’dasi haqida so‘z ochdi.

Ma’lumot uchun, Shahram G‘iyosov 1993 yilda Buxoro shahrida tug‘ilgan. 

5-sinfidan boshlab buxorolik mashhur sportchi Abbos Atoyevga havas qilib boks bilan shug‘ullanishni boshlagan. Havaskor boksda 2014 yilda Yakutsk shahri mezbonlik qilgan talabalar o‘rtasidagi Jahon chempionatida oltin medalni qo‘lga kiritgan. 

2017 yilda Germaniyaning Gamburg shahri mezbonlik qilgan boks bo‘yicha Jahon chempionatida o‘zbek bokschilariga hakamlar tomonidan adolatsizlik qilinayotgan bir paytda G‘iyosov kuchli raqibini mag‘lub etib, o‘sha mundialda O‘zbekiston jamoasi a’zolari orasida yagona oltin medalni qo‘lga kiritgan.

G‘iyosov 2018 yildan buyon professional boksda faoliyat yuritmoqda.

Ushbu videointervyuni yuqoridagi videopleyerda yoki QALAMPIR.UZ’ning YouTube’dagi sahifasida tomosha qilishingiz mumkin.