Serial tugadi. Mbappe PSJ bilan uzoq muddatli shartnoma imzolaydi
Sport
−
31 avgust 2023 8903
Fransiyalik futbolchi Kilian Mbappe PSJ bilan uzoq muddatli shartnoma imzolaydi. Bu haqda jurnalist Marko Konterio X sahifasida ma’lum qildi.
Manbaga ko‘ra, tomonlar 2026 yilgacha mo‘ljallangan shartnoma bo‘yicha kelishib olgan. Shuningdek, u eski shartnomadagi, 2024 yilda faollashtiriladigan indentatsiyalarni ham o‘z ichiga oladi.
Avvalroq Mbappe PSJ bilan shartnomasini uzaytirmasligini va yozgi transfer oynasida klubni tark etishga tayyorligini aytgan edi. Shu munosabat bilan u mavsumoldi yig‘inlari uchun PSJ tarkibidan chiqarib tashlandi. Biroq keyinchalik Mbappe o‘z qarorini o‘zgartirib, Fransiya klubi bilan muzokaralarni boshladi.
Ma’lumot uchun, Mbappening parijliklar bilan amaldagi shartnomasi 2024 yilning yozida tugaydi. Fransiya chempionatining joriy mavsumida Mbappe ikkita o‘yinda ishtirok etib, o‘z nomiga uchta gol rasmiylashtirib qo‘ygan.
