Serial davom etadi. Mbappening “Real” bilan kelishgani rad etildi
Sport
−
08 yanvar 4371
PSJ hujumchisi Kilian Mbappening atrofidagilari futbolchining “Real”ga o‘tishi haqidagi xabarlarni rad etdi.
“Kilianning kelgusi faoliyati borasida hech qanday kelishuv yo‘q. Hozircha muzokaralar boshlanmagan. Mbappe muhokama qilish va qaror qabul qilish uchun zarur bo‘lgan vaqtga hech narsa ta’sir qila olmaydi”, deydi Mbappening yaqinlaridan biri.
Joriy mavsumda 25 yoshli Mbappe barcha musobaqalarda 24 ta uchrashuvda qatnashib, 25 ta gol urdi va 3 ta golli uzatmani amalga oshirdi. PSJ Fransiya Liga 1 turnir jadvalida 1-o‘rinda, Luis Enrike shogirdlari 17 o‘yinda 40 ochko jamg‘argan. Ichki chempionatning navbatdagi o‘yinida parijliklar mehmonda “Lans” bilan o‘ynaydi.
Eslatib o‘tamiz, avvalroq “Real” Kilian bilan to‘liq kelishuvga erishgani haqida xabar berilgan edi. Hujumchi 2018 yildan buyon PSJda o‘ynab kelmoqda. Fransiyalik forvardning klub bilan shartnomasi 2024 yilgacha mo‘ljallangan.
