Мбаппе келажаги ҳақида бир қарорга келди
Спорт
−
08 Январь
4133Франция терма жамоаси ва ПСЖ ҳужумчиси Килиан Мбаппе фаолиятини Испаниянинг “Реал Мадрид” клубида давом эттиришга қарор қилди. Бу ҳақда журналист Санти Уна ўз X саҳифасида маълум қилди.
Манбага кўра, 25 ёшли франциялик форвард “Реал” билан муваффақиятли музокаралар олиб борган ва “қироллик клуби” билан шартнома имзолашга рози бўлган. Мбаппе ёзда парижликлар билан шартномаси тугагач, қироллик грандига қўшилади.
Жорий мавсумда юлдузли ҳужумчи ПСЖ сафида 24 та учрашувда иштирок этган. Килиан 25 та гол урди ва 3 та голли узатмани амалга оширди. Тўпурарнинг трансфер қиймати 180 миллион еврога баҳоланмоқда.