Samarqanddagi oshxonada gaz balloni portladi. 10 kishi jarohatlangan
3-sahifa
−
19 dekabr 2021 9431
Bugun, 19 dekabr kuni soat 14:20 da Samarqand viloyatining Oqdaryo tumani “Navro‘z” MFYda joylashgan “Lazzat” oshxonasida portlash sodir bo‘ldi. Voqea joyida 2 ta propan gaz balloni bo‘lgan. Bu haqda Favqulodda vaziyatlar vazirligi xabar berdi.
Chaqnash natijasida oshxonaning taxminan 40 kv.m. maydonida shift qismi va jihozlar yongan.
Birlamchi ma’lumotga ko‘ra, 10 nafar fuqaro tan jarohati olib, tuman shifoxonasiga olib borilgan.
Yong‘in-qutqaruv ekipaji soat 14:23da hodisa joyiga yetib borib, 14:29da yong‘in qurshab olingan va soat 14:54da o‘chirilgan.
Voqea joyiga viloyat hamda tuman favqulodda vaziyatlar bo‘limi rahbar xodimlari, IIB, prokuratura, tibbiyot, gaz xizmatlari xodimlari va 2 ta yong‘in-qutqaruv ekipaji jalb etilgan.
Sodir bo‘lgan holat yuzasidan dastlabki tergovoldi surishtiruv ishlari olib borilgan.
Live
Barchasi
