Samarqandda “Jo Bayden” nomli korxona ro‘yxatdan o‘tdi
Jamiyat
−
22 yanvar 2021 9542
Ijtimoiy tarmoqlarda Samarqand shahrida AQSHning yangi saylangan Prezidenti “Jo Bayden” nomi bilan tadbirkorlik sub’ekti ro‘yxatdan o‘tgani haqida xabarlar tarqaldi.
Ma’lumotlarga ko‘ra, kecha, 21 yanvar kuni Samarqand shahri Davlat xizmatlari markazi tomonidan “Joe Biden” nomli MCHJ ro‘yxatga olingan. Korxona Samarqand shahri Turkiston ko‘chasi 62-uyda joylashgan.
Eslatib o‘tamiz, kecha, 20 yanvar kuni Vashingtonda AQSH Prezidenti Jo Bayden va vitse-prezident Kamola Harrisning inauguratsiya marosimi bo‘lib o‘tdi.
Shundan so‘ng, Bayden rasman AQSHning 46-prezidenti bo‘ldi.
Bayden Prezident bo‘lishi bilan musulmonlarga oid farmon imzoladi.
Live
Barchasi