Samarqandda yuk mashinasi yonib ketdi (video)
Jamiyat
−
18 aprel 2023 5518
Bugun, 18 aprel kuni Samarqand viloyati Oqdaryo tumanida yuk mashinasi yonib ketdi. Bu haqda viloyat FVB matbuot xizmati xabar berdi.
Dastlabki ma’lumotlarga ko‘ra, soat 15:14 da Oqdaryo tumani hududidan o‘tuvchi M-37 avtomobil yo‘lining 16-kilometrida harakatlanib ketayotgan fuqaro I.B. boshqaruvida bo‘lgan “Shacman” rusumli yuk avtomobilida yong‘in sodir bo‘lgan.
Voqea joyiga 2 ta yong‘in-qutqaruv ekipaji soat 15:28 da yetib borib yong‘inni 20 daqiqada o‘chirgan.
Xabarda aytilishicha, hodisa oqibatida tan jarohati olgan va halok bo‘lganlar yo‘q. Hozirda tergovga qadar tekshirish ishlari olib borilib, yong‘inning kelib chiqish sababi va zarari aniqlanmoqda.
Eslatib o‘tamiz, Samarqand viloyati Urgut tumanidagi gaz quyish shoxobchalaridan birida yonilg‘i sig‘imi 20 tonna bo‘lgan yuk mashinasi yonib ketgan edi.
