Saloh Anrini ortda qoldirdi
Sport
−
09:36963
“Liverpul” Angliya chempionatining 17-turidan o‘rin olgan bahsda “Tottenxem”ni mehmonda 6:3 hisobida mag‘lub etgan bo‘lsa, mehmonlarning misrlik vingeri Muhammad Saloh o‘yin davomida 2 ta gol urdi va golli uzatmani amalga oshirdi.
Shu tariqa, 32 yoshli Saloh 252 ta samarali harakat (172 ta gol va 80 ta golli uzatma) qayd etib, APLda 249 ta samarali harakatga ega bo‘lgan “Arsenal”ning sobiq hujumchisi Terri Anrini ortda qoldirdi (175 ta gol va 74 ta golli uzatma). Hozirda Saloh APL tarixidagi umumiy to‘purarlar reytingida 7-o‘rinni egallab turibdi, Alan Shirer 328 ochkolik (260 gol va 68 golli uzatma) natija bilan 1-o‘rinda qayd etilgan.
Qayd etish joiz, Saloh chempionat tarixida Rojdestvoga qadar 10+ gol urgan va 10+ golli uzatma bergan birinchi futbolchi bo‘ldi. U joriy mavsum Angliya chempionatida to‘purarlar va assistentlar reytingida peshqadamlik qilmoqda.
