“Salimboyvachcha” saylovda ovoz berdi
Jamiyat
−
09 iyul 2023 16061
O‘zbekistonlik tadbirkor, xalq orasida “Salimboyvachcha”, deb tanilgan Salim Abduvaliyev prezidentlik saylovida ovoz berdi. Bu haqda QALAMPIR.UZ jurnalisti Feruza Najmiddinova xabar berdi.
“Men Shavkat Mirziyoyevga ishonaman, u kishini yoshligidan beri bilaman. Mirziyoyev agar 10 marta Prezidentlikka nomzodini qo‘ysa, men 10 marta shu kishiga ovoz beraman”, deydi Salim Abduvaliyev.
Shuningdek, Abduvaliyev, agar hamma amaldorlar va mutasaddilar Prezidentga sitqi dildan xizmat qilsa, O‘zbekiston yaqin kelajakda rivojlangan mamlakatlar qatoridan o‘rin egallashi haqida ham alohida to‘xtalib o‘tdi.
Eslatib o‘tamiz, avvalroq “Adolat” sotsial-demokratik partiyasidan O‘zbekiston Respublikasi Prezidentligiga nomzod Robaxon Mahmudova 21-saylov uchastkasiga oilaviy tashrif buyurib, ovoz berish jarayonida ishtirok etgandi.
Shuningdek, O‘zbekiston Ekologik partiyasidan O‘zbekiston Respublikasi Prezidentligiga nomzod Abdushukur Hamzayev ham poytaxtimizning Yangihayot tumanidagi 583-saylov uchastkasida ovoz berdi.
Live
Barchasi
