Ro‘ziboyev jang qiladigan UFC turnirining to‘liq kardi ma’lum qilindi

Rasman UFC promuoshenidagi navbatdagi o‘zbekistonlikka aylangan Nursulton Ro‘ziboyev 1 iyul kuni “UFC on ESPN 48”da jang qiladi. Tashkilot rasmiy saytida mazkur turnirning to‘liq kardi ma’lum qilindi.

O‘rta vazn (84 kg)da o‘z janglarini olib boradigan o‘zbekistonlik sportchiga o‘sha kuni braziliyalik Brunno Ferreyra raqiblik qiladi. Mazkur jang asosiy kardda bo‘lib o‘tishi belgilangan.

Turnirning asosiy kardi:

O‘rta vaznda: Shon Striklend (AQSH) – Abuso‘fiyan Muhammadov (Germaniya)

Ayollar o‘rtasida o‘ta yengil vaznda: Yana Kunitskaya (Rossiya) – Karol Roza (Braziliya)

Yarimengil vaznda: Damir Ismoilov (Rossiya) – Grant Douson (AQSH)

Yarim o‘rta vaznda: Maks Griffin (AQSH) – Maykl Morales (Ekvador)

O‘rta vaznda: Nursulton Ro‘ziboyev (O‘zbekiston) –Brunno Ferreyra (Braziliya)

Super yengil vaznda: Arina Lipiski (Braziliya) – Melissa Gato (Braziliya)

Yengil vaznda: Ismoil Bonfim (Braziliya) – Benua Sen-Deni (Fransiya)

Ma’lumot uchun, Nursulton 2014 yildan buyon o‘rta vaznda MMA'da jang o‘tkazib keladi. U faoliyati davomida 43 marta oktagonga ko‘tarilib, 35 ta jangda g‘alaba qozongan, 8 ta bahsda esa raqiblariga imkoniyatni boy bergan.

Raqibi esa professional faoliyati mobaynida 10 ta jang o‘tkazib, barchasida g‘alaba qozongan. Ferreyra UFC'da bitta jang o‘tkazgan va unda Gregori Rodrigesni mag‘lub etgan.

Muhsinjon Umurzoqov