Rossiyada benzin nega qimmatlayapti?

north_east

Rossiyada benzin narxi yana keskin oshdi

Rossiyaning bir qancha mintaqalaridagi yonilg‘i quyish shoxobchalarida benzin narxi ko‘tarilib bormoqda. Bu haqda “56orb.ru” xabar berdi.

Orenburg viloyatida benzin narxi har hafta oshib bormoqda.

Statistik ma’lumotlarga ko‘ra, 20 oktyabr kuni benzinning o‘rtacha narxi quyidagi darajada bo‘lgan:

• Agar 13 oktyabrda AI-92 benzinining bir litri o‘rtacha 59,73 rublni tashkil etgan bo‘lsa, 20 oktyabrda 59,71 (-3 kopeyka);
• 13 oktyabrda AI-95 benzinining 1 litri narxi 63,85 rublni, 20 oktyabrda 64,15 (+30 kopeyka)ni tashkil qildi;
• 13 oktyabrda AI-98 va undan yuqori benzinning litri narxi 84,14 rublni, 20 oktyabrda 84,47 (+33 kopeyka)ni tashkil qildi.

Rossiyada yonilg‘i narxi oshishiga nima sabab bo‘lmoqda?

Mutaxassislarning ta’kidlashicha, bu tendensiya bir qator omillar bilan bog‘liq. Ulardan biri neftni qayta ishlash hajmining qisqarishi bo‘lib, bunga neftni qayta ishlash zavodlarida texnik nosozliklar sabab bo‘lgan.

2025 yilning yanvar-avgust oylarida neftni qayta ishlash zavodlarining rejali va rejadan tashqari to‘xtab qolishi oqibatida kunlik benzin ishlab chiqarish 123,6 dan 102,2 ming tonnaga qisqardi. Ikkinchidan, logistika muammolari. Harakatlanuvchi tarkibning tanqisligi va yonilg‘i tashish tartibidagi o‘zgarishlar Uzoq Sharqqa yetkazib berishni sezilarli darajada qisqartirdi.

Eskpertlarning aytishicha, bu narx va talabga ta’sir qiladi. Ta’kidlash joizki, u ko‘pincha sun’iy yo‘l bilan yaratilgan bo‘lib, odamlar pulni tejash maqsadida benzinni yonilg‘i quyish shoxobchalarida kanistrlarga litrlab to‘ldiradi.

Birinchi navbatda, bu qishloq xo‘jaligi ishlari bilan bog‘liq kuzgi o‘zgarishlar va isitish mavsumi boshlanishiga taalluqlidir. Shu bilan birga, birjada benzin narxi avgust oyidan buyon 12 foizga oshdi. Sentyabr oyida AI-95 narxi bir tonna uchun 82 ming rubldan oshdi, AI-92 esa 72 ming rubldan oshib ketdi. Shoxobchalar eshiklarini yopishga majbur bo‘lmoqda, masalan, iyuldan sentyabrgacha ishlayotgan yonilg‘i quyish shoxobchalari soni 2,6 foizga kamaydi.

Rossiya yonilg‘ini qayerdan olishi mumkin? Mutaxassislarning fikricha, Xitoy, Singapur va Janubiy Koreyadan yonilg‘i importiga bojlarni bekor qilish imkoniyati ko‘rib chiqilmoqda.

“Neftni qayta ishlash zavodlari va temiryo‘llarni ular bilan bog‘liq infratuzilma bilan modernizatsiya qilish, soliq siyosatini qayta ko‘rib chiqish kabi tizimli o‘zgarishlarsiz bunday inqirozlar takrorlanishi mumkin”, deyiladi xabarda.