Россияда бензин нега қимматлаяпти?

north_east

Россияда бензин нархи яна кескин ошди

Россиянинг бир қанча минтақаларидаги ёнилғи қуйиш шохобчаларида бензин нархи кўтарилиб бормоқда. Бу ҳақда “56orb.ru” хабар берди.

Оренбург вилоятида бензин нархи ҳар ҳафта ошиб бормоқда.

Статистик маълумотларга кўра, 20 октябрь куни бензиннинг ўртача нархи қуйидаги даражада бўлган:

• Агар 13 октябрда АI-92 бензинининг бир литри ўртача 59,73 рублни ташкил этган бўлса, 20 октябрда 59,71 (-3 копейка);
• 13 октябрда АI-95 бензинининг 1 литри нархи 63,85 рублни, 20 октябрда 64,15 (+30 копейка)ни ташкил қилди;
• 13 октябрда АI-98 ва ундан юқори бензиннинг литри нархи 84,14 рублни, 20 октябрда 84,47 (+33 копейка)ни ташкил қилди.

Россияда ёнилғи нархи ошишига нима сабаб бўлмоқда?

Мутахассисларнинг таъкидлашича, бу тенденция бир қатор омиллар билан боғлиқ. Улардан бири нефтни қайта ишлаш ҳажмининг қисқариши бўлиб, бунга нефтни қайта ишлаш заводларида техник носозликлар сабаб бўлган.

2025 йилнинг январь-август ойларида нефтни қайта ишлаш заводларининг режали ва режадан ташқари тўхтаб қолиши оқибатида кунлик бензин ишлаб чиқариш 123,6 дан 102,2 минг тоннага қисқарди. Иккинчидан, логистика муаммолари. Ҳаракатланувчи таркибнинг танқислиги ва ёнилғи ташиш тартибидаги ўзгаришлар Узоқ Шарққа етказиб беришни сезиларли даражада қисқартирди.

Эскпертларнинг айтишича, бу нарх ва талабга таъсир қилади. Таъкидлаш жоизки, у кўпинча сунъий йўл билан яратилган бўлиб, одамлар пулни тежаш мақсадида бензинни ёнилғи қуйиш шохобчаларида канистрларга литрлаб тўлдиради.

Биринчи навбатда, бу қишлоқ хўжалиги ишлари билан боғлиқ кузги ўзгаришлар ва иситиш мавсуми бошланишига тааллуқлидир. Шу билан бирга, биржада бензин нархи август ойидан буён 12 фоизга ошди. Сентябрь ойида АI-95 нархи бир тонна учун 82 минг рублдан ошди, АI-92 эса 72 минг рублдан ошиб кетди. Шохобчалар эшикларини ёпишга мажбур бўлмоқда, масалан, июлдан сентябргача ишлаётган ёнилғи қуйиш шохобчалари сони 2,6 фоизга камайди.

Россия ёнилғини қаердан олиши мумкин? Мутахассисларнинг фикрича, Хитой, Сингапур ва Жанубий Кореядан ёнилғи импортига божларни бекор қилиш имконияти кўриб чиқилмоқда.

“Нефтни қайта ишлаш заводлари ва темирйўлларни улар билан боғлиқ инфратузилма билан модернизация қилиш, солиқ сиёсатини қайта кўриб чиқиш каби тизимли ўзгаришларсиз бундай инқирозлар такрорланиши мумкин”, дейилади хабарда.