Rossiya yadroviy urushga tayyor – Putin

Rossiya harbiy-texnik nuqtai nazardan yadro urushiga tayyor. Bu haqda mamlakat Prezidenti Vladimir Putin RIA Novosti agentligiga bergan intervyusida ma’lum qildi.

“Harbiy-texnik nuqtai nazardan, biz, albatta, tayyormiz. Bizda ular (yadroviy raketalar) doimo jangovar shay holatda”, deydi Putin Rossiya haqiqatan ham yadro urushiga tayyormi, degan savolga javob berar ekan.

Taktik yadro qurollari haqida gapirar ekan, Prezident Ukrainadagi urush vaqtida bunday qurollardan foydalanishga hech qachon ehtiyoj bo‘lmaganini ta’kidladi. 

“Bizning o‘z tamoyillarimiz bor. Ular nima haqida gapiryapti: agar biz Rossiya davlatining mavjudligi, suverenitetimiz va mustaqilligimizga zarar yetkaziladigan bo‘lsa, qurol-yarog‘ni, jumladan, har qanday qurolni, shu jumladan siz aytgan qurollarni ham ishlatishga tayyormiz. Biz uchun Strategiyada hamma narsa yozilgan, biz uni o‘zgartirmadik”, deya qo‘shimcha qildi Putin.

Shuningdek, Putin bugungi kunda AQSH ham yadroviy kuchlarini rivojlantirayotganini, biroq bu ularning urush boshlashga tayyorligini anglatmasligini eslatdi. Uning aytishicha, agar AQSH yadroviy sinovlar o‘tkazsa, Rossiya ham shunday qilishi mumkin.

“Qo‘shma Shtatlar tomonidan yadro sinovlarini o‘tkazish imkoniyati yangi jangovar kallaklar paydo bo‘lganda vujudga keladi. Ba’zi ekspertlarning fikricha, ularni faqat kompyuterda sinab ko‘rish yetarli emas, ular tabiiy ko‘rinishda sinovdan o‘tkazilishi kerak. Bular Qo‘shma Shtatlardagi ma’lum doiralarda mavjud bo‘lgan g‘oyalar. Biz bu haqda bilamiz. Biz ham kuzatyapmiz”, deydi Prezident.

Putin Ukrainada G‘arb qo‘shinlarining mavjudligi mavzusiga ham to‘xtalib, agar Qo‘shma Shtatlar o‘z kuchlarini u yerga yuborishga qaror qilsa, Rossiya bunday qadamni Amerika qo‘shinlari intervensiya sifatida Rossiya hududiga joylashtirish sifatida ko‘rib chiqishini ta’kidladi. 

“Men Bayden an’anaviy siyosiy maktab vakili ekanini aytdim va bu tasdiqlandi. U yerda Baydendan tashqari Rossiya-Amerika munosabatlari va strategik cheklov sohasida ko‘plab boshqa mutaxassislar bor. Shu bois, bu yerda hammasi u qadar shoshib ketyapti, deb o‘ylamayman, lekin biz bunga tayyormiz”, deya xulosa qildi Putin.