Rossiya Turkmaniston bilan vizasiz rejimga o‘tmoqchi
Olam
−
21 aprel 2023 7487
Turkmaniston Rossiya bilan vizasiz rejimga o‘tishni xohlasa rus davlati bunga tayyor. Bu haqda Rossiyaning Ashxoboddagi elchisi Aleksandr Bloxin TASS agentligiga bergan intervyusida ma’lum qildi.
“Biz Turkmaniston tayyor bo‘lgan darajada viza rejimi, turizm va hokazolar masalasini liberallashtirishga tayyormiz. Shuni alohida ta’kidlamoqchimanki, biz Turkmanistonga hech narsa yuklayotganimiz yo‘q. Bu munosabatlarni tartibga solish uning suveren huquqidir, biz uning qarorlarini hurmat qilamiz”, deydi Aleksandr Bloxin.
Bloxin Turkmanistonning barcha davlatlar bilan viza rejimiga ega ekanligini eslatdi.
“Ammo bu har bir davlatning ichki ishi. Turkmaniston xavfsizlik masalalariga katta ahamiyat beradi. Shu ma’noda, bizning davrimizda bu muhim ustuvor yo‘nalishdir”, deya qo‘shimcha qilgan elchi.
Live
Barchasi
