Rossiya Sumidagi qariyalar pansionatiga zarba berdi

Rossiya armiyasi Ukrainaning shimolida joylashgan Sumi shahridagi qariyalar pansionatiga zarba berdi. Buning oqibatida bir kishi halok bo‘ldi, yana 13 kishi esa jarohat oldi. Bu haqda Ukraina favqulodda vaziyatlar bo‘yicha davlat xizmati xabar berdi.

Shikastlangan binodan 147 kishi evakuatsiya qilingan, 13 nafar mahalliy aholi jarohatlangan. Shuningdek, binoning texnik va beshinchi qavatlari qisman vayron qilingan. Qutqaruvchilarning xabar berishicha, zarba oqibatida 70 yoshli ayol halok bo‘lgan.

Ukraina rasmiy xabarlariga ko‘ra, qariyalar uyi boshqariladigan havo bombasi bilan urilgan. Ukraina prokuraturasining yozishicha, pansionatda 221 bemor va yana 60 nafar xodim bo‘lgan.

"Rossiya harbiylari Rossiya Federatsiyasining Kursk viloyatida Ukraina qo‘shinlarining muvaffaqiyatlarini ko‘rgani uchun Sumi viloyatini o‘qqa tutmoqda", deydi "Seversk" tezkor-strategik qo‘shinlar guruhi vakili Vadim Misnik. 

Shu bilan birga, u Rossiya armiyasi "Sumshina chegarasidagi minomyot o‘qlari sonini kamaytirganini, shuningdek, Xarkovshinani tuzatiladigan aviatsiya bombalari bilan bombardimon qilishni to‘xtatganini" ta’kidladi.

Ma’lumot uchun, Sumi viloyati Ukraina Qurolli kuchlari bostirib kirgan Rossiyaning Kursk viloyati bilan chegarada joylashgan.  Mintaqa doimiy ravishda Rossiya harbiylari tomonidan o‘qqa tutilmoqda. Rossiya Mudofaa vazirligi Rossiya harbiylari "Sumi viloyatidagi davlat chegarasi va qo‘riqxonalar hududida dushmanga o‘t ochganini" ma’lum qildi.

Sara Komiljonova