Rossiya sayyoraning kelajagi – Lukashenko 

Belarus fuqarosi Aleksandr Lukashenko Rossiyani sayyoraning kelajagi deb atadi. Bu haqda u bugun, 6 iyul kuni ommaviy axborot vositalari xodimlari bilan o‘tkazilgan uchrashuvda aytib o‘tdi.

“Rossiya – sayyora kelajagi. Hamma resurslar shu yerda. Rossiya ilg‘or texnologiyalarni: kosmik, yadro texnologiyalari, qurollar va boshqalarni joriy qila oladi”, deydi Lukashenko.

Belarus fuqarosi, shuningdek, Moskva o‘zini faolroq ko‘rsatishi, masalan, postsovet hududida birlashtiruvchi kuch bo‘lishi kerakligini ta’kidlagan. 

Bundan tashqari, u Yevroosiyo iqtisodiy ittifoqi, BRICS, SHHT va MDH ko‘pqutbli dunyoning ustunlaridan biriga aylanishi kerakligini urg‘ulagan. 

Eslatib o‘tamiz, avvalroq Lukashenko Qozog‘istonni ittifoq davlatiga qo‘shilishga taklif qilganiga javoban, Qosim-Jomart To‘qayev buni hazil deb baholab, buning hojati yo‘qligini, chunki boshqa integratsiya birlashmalari, birinchi navbatda, Yevroosiyo iqtisodiy ittifoqi mavjudligini aytgandi.