Rossiya Xitoyda yashirincha yangi dron modelini yaratdi – “Reuters”

Rossiya Xitoyda Ukrainaga qarshi urushda foydalanmoqchi bo‘lgan jangovar uchuvchisiz samolyotning yangi modelini ishlab chiqardi va uni Xitoy hududida muvaffaqiyatli sinovdan o‘tkazdi. Bu haqda kecha, 25 sentyabr kuni Yevropa razvedkasidagi OAVda mavjud bo‘lgan hujjatlar va manbalarga tayanib, “Reuters” xabar berdi.

Agentlik tekshiruvi Rossiyaning “Almaz-Antey” davlat konserni nazoratidagi Ijevsk elektromexanika zavodi “Kupol”ga tegishli. “Reuters” xabariga ko‘ra, “Kupol” nomi oshkor etilmagan xitoylik mutaxassislar bilan hamkorlikda 2024 yil boshida Xitoyda Garpiya-3 uchuvchisiz samolyotini yaratgan va sinovdan o‘tkazgan, so‘ngra Rossiya Mudofaa vazirligiga ishlanma hisobotini yuborgan.

"Almaz-Antey" sho‘’ba korxonasi xuddi shu turdagi dronlarning oldingi modelini ishlab chiqarish uchun Xitoyning tarkibiy qismlaridan foydalangan”, deb yozgan agentlik.

Ommaviy axborot vositalariga tarqalgan “Kupol” hujjatlaridan Garpiya-3 50 kg gacha foydali yukni ko‘tarishi va taxminan 2000 km masofani uchishi mumkinligi ma’lum bo‘ldi. Xitoyda sinovdan o‘tkazilgandan so‘ng, Xitoyda ishlab chiqarilgan Garpiya-3 va boshqa dronlarning bir nechta nusxalari keyingi sinovlar uchun Ijevskka yetkazildi.

“Kupol”, shuningdek, Rossiya Mudofaa vazirligiga Xitoyda uchuvchisiz samolyotlarni "keng miqyosda" ishlab chiqarishni yo‘lga qo‘yishi mumkinligini ma’lum qilgan, bu esa ularni Rossiyaning Ukrainadagi harbiy harakatlarda ishlatilishi mumkinligini anglatadi.

Ijevsk korxonasi, "Almaz-Antey" va Rossiya Mudofaa vazirligi “Reuters” agentligining izoh so‘rashiga javob bermadi. Xitoy Tashqi ishlar vazirligi esa agentlikni Pekin bunday loyihalardan xabardor emasligiga va dronlar eksportiga nisbatan “qat’iy nazorat choralari” qo‘llanilishiga ishontirdi.

AQSH Milliy xavfsizlik kengashining ta’kidlashicha, Oq uy rasmiy Pekinning loyihaga aloqadorligi yoki xabardorligini ko‘rsatadigan hech narsa ko‘rmagan.

“Biroq, Xitoy hukumati mahalliy kompaniyalarning Rossiya korxonalari, ayniqsa “Kupol” kabi AQSH sanksiyalari ostidagi korxonalar bilan hamkorlik qilishiga yo‘l qo‘ymaslik uchun javobgarlikni o‘z zimmasiga olishi kerak”, deya qayd etdi agentlik suhbatdoshi.

Sentyabr oyi boshida Amerikaning “Newsweek” nashri KXDR 2022 yil o‘rtalaridan beri Rossiyaga 13 mingdan ortiq dengiz konteynerlari jo‘natgani haqida xabar bergan edi, ularda go‘yoki qurol bor. Nashr keltirgan Janubiy Koreya razvedkasi ma’lumotlariga ko‘ra, konteynerlarda olti milliondan ortiq 152 millimetrli artilleriya snaryadlari, shuningdek, 122 millimetrli artilleriya snaryadlari, mobil zenit-raketa tizimlari, tankga qarshi raketalar va boshqa harbiy texnika bo‘lishi mumkin.