Россия Хитойда яширинча янги дрон моделини яратди – “Reuters”

Россия Хитойда Украинага қарши урушда фойдаланмоқчи бўлган жанговар учувчисиз самолётнинг янги моделини ишлаб чиқарди ва уни Хитой ҳудудида муваффақиятли синовдан ўтказди. Бу ҳақда кеча, 25 сентябрь куни Европа разведкасидаги ОАВда мавжуд бўлган ҳужжатлар ва манбаларга таяниб, “Reuters” хабар берди.

Агентлик текшируви Россиянинг “Алмаз-Антей” давлат концерни назоратидаги Ижевск электромеханика заводи “Купол”га тегишли. “Reuters” хабарига кўра, “Купол” номи ошкор этилмаган хитойлик мутахассислар билан ҳамкорликда 2024 йил бошида Хитойда Гарпия-3 учувчисиз самолётини яратган ва синовдан ўтказган, сўнгра Россия Мудофаа вазирлигига ишланма ҳисоботини юборган.

"Алмаз-Антей" шўъба корхонаси худди шу турдаги дронларнинг олдинги моделини ишлаб чиқариш учун Хитойнинг таркибий қисмларидан фойдаланган”, деб ёзган агентлик.

Оммавий ахборот воситаларига тарқалган “Купол” ҳужжатларидан Гарпия-3 50 кг гача фойдали юкни кўтариши ва тахминан 2000 км масофани учиши мумкинлиги маълум бўлди. Хитойда синовдан ўтказилгандан сўнг, Хитойда ишлаб чиқарилган Гарпия-3 ва бошқа дронларнинг бир нечта нусхалари кейинги синовлар учун Ижевскка етказилди.

“Купол”, шунингдек, Россия Мудофаа вазирлигига Хитойда учувчисиз самолётларни "кенг миқёсда" ишлаб чиқаришни йўлга қўйиши мумкинлигини маълум қилган, бу эса уларни Россиянинг Украинадаги ҳарбий ҳаракатларда ишлатилиши мумкинлигини англатади.

Ижевск корхонаси, "Алмаз-Антей" ва Россия Мудофаа вазирлиги “Reuters” агентлигининг изоҳ сўрашига жавоб бермади. Хитой Ташқи ишлар вазирлиги эса агентликни Пекин бундай лойиҳалардан хабардор эмаслигига ва дронлар экспортига нисбатан “қатъий назорат чоралари” қўлланилишига ишонтирди.

АҚШ Миллий хавфсизлик кенгашининг таъкидлашича, Оқ уй расмий Пекиннинг лойиҳага алоқадорлиги ёки хабардорлигини кўрсатадиган ҳеч нарса кўрмаган.

“Бироқ, Хитой ҳукумати маҳаллий компанияларнинг Россия корхоналари, айниқса “Купол” каби АҚШ санкциялари остидаги корхоналар билан ҳамкорлик қилишига йўл қўймаслик учун жавобгарликни ўз зиммасига олиши керак”, дея қайд этди агентлик суҳбатдоши.

Сентябрь ойи бошида Американинг “Newsweek” нашри КХДР 2022 йил ўрталаридан бери Россияга 13 мингдан ортиқ денгиз контейнерлари жўнатгани ҳақида хабар берган эди, уларда гўёки қурол бор. Нашр келтирган Жанубий Корея разведкаси маълумотларига кўра, контейнерларда олти миллиондан ортиқ 152 миллиметрли артиллерия снарядлари, шунингдек, 122 миллиметрли артиллерия снарядлари, мобил зенит-ракета тизимлари, танкга қарши ракеталар ва бошқа ҳарбий техника бўлиши мумкин.