Rossiya qiruvchi samolyoti qulab tushdi (video)
Olam
−
26 aprel 2023 14275
Rossiyaning Murmansk viloyatida MiG-31 qiruvchi samolyoti bortida sodir bo‘lgan yong‘in tufayli halokatga uchradi va ko‘lga qulab tushdi. Bu haqda bugun, 26 aprel kuni TASS xabar berdi.
Aytilishicha, rejalashtirilgan parvozni amalga oshirish chog‘ida MiG-31 dvigatellaridan biri yonib ketgan, shundan so‘ng u qulagan. Hodisa Monchegorsk shahridan 10 km uzoqlikda, Rij-Guba oroli yaqinida yuz bergan. U yerga operativ xizmatlar vakillari borishdi.
Ma’lumotlarga ko‘ra, ikkala uchuvchi ham samolyotdan tushib qolishga muvaffaq bo‘lgan. Uchuvchilar qidiruv-qutqaruv xizmati vertolyotida zudlik bilan evakuatsiya qilingan, ularning hayoti va sog‘lig‘iga hech narsa tahdid solayotgani yo‘q.
