Ronalduning vatandoshi “Al-Nasr” bilan shartnoma imzoladi
Sport
−
23 avgust 2023 2480
“Portu” klubi va Portugaliya terma jamoasi yarim himoyachisi Otavio ”Al-Nasr” bilan shartnoma imzoladi. Bu haqda Saudiya klubi matbuot xizmati xabar berdi.
Ma’lum qilinishicha, 28 yoshli portugaliyalik Saudiya Arabistonining ”Al-Nasr” klubi bilan 2026 yilning yoziga qadar mo‘ljallangan 3 yillik shartnoma imzolagan. Yarim himoyachining transfer summasi 60 million yevroni tashkil qiladi. Otavio hamyurti Krishtianu Ronaldu boshchiligidagi ”Al-Nasr” safida 25-raqam ostida maydonga tushadi.
Ma’lumot uchun, 2022/2023 yilgi mavsumda Otavio “Portu” safida 44 ta o‘yinda maydonga tushib, 7 ta gol urdi va 13 ta golli uzatmani amalga oshirdi. Shuningdek, futbolchi Portugaliya terma jamoasi safida 14 ta o‘yin o‘tkazib, 3 ta gol urgan.
Live
Barchasi
