Роналдунинг ватандоши “Ал-Наср” билан шартнома имзолади
Спорт
−
23 Август 2023 2483
“Порту” клуби ва Португалия терма жамоаси ярим ҳимоячиси Отавио ”Ал-Наср” билан шартнома имзолади. Бу ҳақда Саудия клуби матбуот хизмати хабар берди.
Маълум қилинишича, 28 ёшли португалиялик Саудия Арабистонининг ”Ал-Наср” клуби билан 2026 йилнинг ёзига қадар мўлжалланган 3 йиллик шартнома имзолаган. Ярим ҳимоячининг трансфер суммаси 60 миллион еврони ташкил қилади. Отавио ҳамюрти Криштиану Роналду бошчилигидаги ”Ал-Наср” сафида 25-рақам остида майдонга тушади.
Маълумот учун, 2022/2023 йилги мавсумда Отавио “Порту” сафида 44 та ўйинда майдонга тушиб, 7 та гол урди ва 13 та голли узатмани амалга оширди. Шунингдек, футболчи Португалия терма жамоаси сафида 14 та ўйин ўтказиб, 3 та гол урган.
Live
Барчаси
