Ronaldu yana bir tarixiy natija qayd etdi
Sport
−
07 Oktabr 17129
Portugaliyalik hujumchi Krishtianu Ronaldu futbol tarixidagi faoliyati davomida yuqori darajadagi 600 ta turli o‘yinda gol urgan birinchi futbolchi bo‘ldi. Bu haqda Xalqaro futbol tarixi va statistikasi federatsiyasi (IFFHS) xabar berdi.
Saudiya Pro-ligasining 6-turidan o‘rin olgan “Al-Oruba” bilan o‘yinda Krishtianu penaltidan jamoasining birinchi golini kiritdi.
Bu borada Ronalduning eng yaqin ta’qibchisi argentinalik hujumchi Lionel Messi (556). Kuchli uchlikni braziliyalik Romario yakunlab turibdi (479).
Ronaldu “Al-Nasr”da 2023 yildan buyon o‘ynab kelmoqda. Futbolchining klub bilan shartnomasi 2025 yilgacha mo‘ljallangan. Ayni damda futbolchining transfer qiymati 15 million yevroga baholanmoqda.
