Роналду яна бир тарихий натижа қайд этди
Спорт
−
07 Октябрь 16606
Португалиялик ҳужумчи Криштиану Роналду футбол тарихидаги фаолияти давомида юқори даражадаги 600 та турли ўйинда гол урган биринчи футболчи бўлди. Бу ҳақда Халқаро футбол тарихи ва статистикаси федерацияси (IFFHS) хабар берди.
Саудия Про-лигасининг 6-туридан ўрин олган “Ал-Оруба” билан ўйинда Криштиану пенальтидан жамоасининг биринчи голини киритди.
Бу борада Роналдунинг энг яқин таъқибчиси аргентиналик ҳужумчи Лионель Месси (556). Кучли учликни бразилиялик Ромарио якунлаб турибди (479).
Роналду “Ал-Наср”да 2023 йилдан буён ўйнаб келмоқда. Футболчининг клуб билан шартномаси 2025 йилгача мўлжалланган. Айни дамда футболчининг трансфер қиймати 15 миллион еврога баҳоланмоқда.
