Ronaldu Xolandni ortda qoldirdi
Sport
−
17 Oktabr 2023 3614
Portugaliya terma jamoasi va “Al-Nasr” hujumchisi Krishtianu Ronaldu joriy taqvim yilidagi eng yaxshi to‘purarlar ro‘yxatida birinchi o‘rinni egalladi.
38 yoshli futbolchi Bosniya va Gersegovina terma jamoasiga qarshi o‘yinda dubl qayd etdi va 2023 yil boshidan buyon klub va mamlakat jamoasi safidagi gollari sonini 40 taga yetkazdi. Shu tariqa Ronaldu “Manchester Siti”ning 39 ta golga ega bo‘lgan norvegiyalik hujumchi Erling Xolandni ortda qoldirdi.
16 oktyabr kuni Yevro-2024 saralash bosqichi “J” guruhi 8-turidan o‘rin olgan Portugaliya terma jamoasi safarda Bosniya va Gersegovinani mag‘lub etdi – 5:0. Portugallar saralash bosqichidagi sakkizta o‘yindan sakkiztasida ham g‘alaba qozondi.
Portugaliya keyingi saralash uchrashuvini 16 noyabr, payshanba kuni o‘tkazadi. Martines jamoasi safarda Lixtenshteyn bilan to‘qnash keladi.
Live
Barchasi
