Ronaldu “Chelsi”ga o‘tmasligining sababi ma’lum bo‘ldi

Angliyaning “Chelsi” klubi bosh murabbiyi Tomas Tuxel “Manchester Yunayted” hujumchisi Krishtianu Ronalduni o‘z jamoasi safiga qo‘shib olishga qiziqmayapti. Bu haqda “Daily Mail” nashri xabar berdi.
 
Manbaga ko‘ra, Tuxel “Chelsi”ga baquvvat va harakatchan hujumchi kelishini istamoqda. Sababi germaniyalik murabbiyning o‘yin uslubi pressing qilishga moslashgan.

Endlikda Ronalduni taklif qilishi mumkin bo‘lgan jamoalar ichida “Bavariya” va PSJ qolmoqda. Biroq ushbu ikki jamoadan hech biri portugaliyalik hujumchini sotib olish borasida rasmiy taklif bilan chiqmagan.

Avvalroq, “Manchester Yunayted” Ronalduni Angliya klubiga sotmoqchi emasligi haqida xabar berilgandi.

Ma’lumot uchun, Ronaldu o‘tgan mavsumda “qizil iblislar” safida 38 ta o‘yinda maydonga tushib, 24 ta gol urishga erishgan. "Transfermarkt" portali portugaliyalik iqtidor egasini 35 million yevroga baholamoqda.

Ma’ruf Abdumalikov