“Real” va PSJ 18 yoshli vunderkind uchun raqobatlashadi
Sport
−
28 noyabr 2023
2447“Lill”ning 18 yoshli himoyachisi Leni Yoroga PSJ, “Real” va boshqa top-klublar qiziqish bildirmoqda. Bu haqda futbol jurnalisti Santi Auna o‘z X sahifasida ma’lum qildi.
Manbaga ko‘ra, parijliklar Yoro uchun kurashda raqobatchilar, xususan, “Real Madrid”, “Bavariya” va bir qator Angliya chempionati klublaridan o‘zib ketish yo‘lida harakatlarni boshlab yuborgan.
O‘z navbatida “Lill” futbolchi bilan shartnomani uzaytirishdan manfaatdor – Yoroning amaldagi shartnomasi 2025 yilning yozida tugaydi.
Shuningdek, PSJ yarim himoya chizig‘ini kuchaytirish uchun turli variantlarni ko‘rib chiqayotgani ma’lum bo‘ldi. Xususan, klub Kefren Tyuram va Yussuf Fofanaga qiziqish bildirmoqda.
Liga 1 ning joriy mavsumida Yoro “Lill” safida 12 ta o‘yinda 2 ta gol urdi. “Transfermarkt”ga ko‘ra, futbolchining qiymati 18 million yevroni tashkil etadi.