“Real” ukrainalik darvozaboni bilan shartnomani uzaytiradi
Sport
−
12 Sentabr 1510
Madridning “Real” klubi ukrainalik darvozabon Andrey Lunin bilan shartnomani uzaytirish borasida kelishib oldi. Bu haqda “Marca” xabar berdi.
Yangi kelishuv 2028 yilning iyunigacha amal qiladi. Darvozabonning Madrid klubi bilan amaldagi shartnomasi 2025 yilning iyunida yakuniga yetadi. Tomonlar yaqin kelajakda hamkorlikni uzaytirganliklari haqida e’lon qilishi kutilmoqda.
Ma’lumot uchun, 25 yoshli Lunin 2018 yildan beri “Real” tizimida to‘p tepib kelmoqda. O‘tgan mavsum posbon “qirollik klubi”ning asosiy darvozaboni Tibo Kurtua jarohat olgani bois 31 ta o‘yinda maydonga tushib, 32 ta gol o‘tkazib yubordi va 12 ta bahsda darvozasi daxlsizligini saqlab qoldi.
